Todos os animais

Recollida no concello de Teo no 2018, Pitusa segue a ser unha gata medrosa pero boíña. É tranquila, gústalle a xente e lévase ben con outros gatos. Nun fogar pensamos que melloraría moito máis, só precisa que alguén lle dea unha oportunidade.    

Recollido no concello de Touro, Tauro  segue a ter carácter de cachorro É un can moi activo e alegre.

Eggy segue a buscar un fogarChegou ao Refuxio no verán do 2018 sendo un cachorriño e bastante delicado de saúde. Custoulle bastante saír adiante pero é todo un loitador e aquí segue, á espera de atopar un fogar definitivo. É un gatiño algo reservado, pero boíño e xoguetón e cada vez está máis cambiado. Non é xusto que teña que seguir medrando no Refuxio. Alguén se anima a darlle unha oportunidade?    

Gloria foi recollida na zona de Vistalegre (Santiago de Compostela), moi delgada, con problemas de pel e síntomas de intoxicación. Agora xa está máis que recuperada e non parece nin a mesma gata :) É boíña e tranquila,  pero tamén algo tímida e independiente, polo que precisaría un fogar que xa teña experiencia con gatos ou algo de paciencia para gañarse a súa confianza. Lévase moi ben con outros gatos.             

Atopada en Concheiros (Santiago de Compostela). É unha cadela algo desconfiada e asustadiza cando non coñece, pero que pronto colle confianza. É moi intelixente e rapidamente aprende calquera truco que lle ensinen os voluntarios. Non se leva moi ben con outras femias e con machos cústalle algo presentarse, pero logo non soe ter problema. Non é especialmente cariñosa, pero coa xente que coñece achégase a pedir mecos ou larpeiradas. Precisa unha familia que saiba ver máis alá das súas inseguridades, que lle saiba transmitir tranquilidade e que estea disposta a aprender con ela.  

Argos é un dos nosos canciños máis especiais. Chegou no 2018 con moitísimo medo e aínda segue a telo. Non lle gusta achegarse á xente, porén, sabemos que é un can bo e cun gran corazón, xa que a pesares deste medo nunca tivo ningún mal xesto con ningunha persoa. Cando toca paseo, o seu pasatempo favorito é correr dun lugar a outro coma unha frecha, sen que te dea case tempo a velo. É moi activo e enérxico e precisa unha familia que o saiba entender e que lle dea a confianza que precisa para volver confiar na xente.    

Dober é un can que chama a atención polo seu porte e a preciosa cor do seu pelo.Porén, nunca ninguén preguntou por el, a pesar de ter sido tamén un dos nosos protagonistas do calendario 2019. Cando chegou era un can extremadamente medroso ao que non lle gustaba nada a presencia da xente, pero pouco a pouco foi confiando na xente e aínda que queda algo de traballo por diante, xa goza da compañía e dos paseos. É un can moi xoguetón e activo, e lévase ben con outros cans.