Gato\a

Recollida en Fonte do Briso (Teo), moi asustada. É unha gatiña algo tímida.

Recollida no concello de Teo no 2018, Pitusa segue a ser unha gata medrosa pero boíña. É tranquila, gústalle a xente e lévase ben con outros gatos. Nun fogar pensamos que melloraría moito máis, só precisa que alguén lle dea unha oportunidade.    

Eggy segue a buscar un fogarChegou ao Refuxio no verán do 2018 sendo un cachorriño e bastante delicado de saúde. Custoulle bastante saír adiante pero é todo un loitador e aquí segue, á espera de atopar un fogar definitivo. É un gatiño algo reservado, pero boíño e xoguetón e cada vez está máis cambiado. Non é xusto que teña que seguir medrando no Refuxio. Alguén se anima a darlle unha oportunidade?    

Gloria foi recollida na zona de Vistalegre (Santiago de Compostela), moi delgada, con problemas de pel e síntomas de intoxicación. Agora xa está máis que recuperada e non parece nin a mesma gata :) É boíña e tranquila,  pero tamén algo tímida e independiente, polo que precisaría un fogar que xa teña experiencia con gatos ou algo de paciencia para gañarse a súa confianza. Lévase moi ben con outros gatos.             

Recollida en Santiago de Compostela. É unha gata tranquila e tímida. Adaptaríase perfectamente a vivir nun fogar e lévase ben con outros gatos, só precisa que alguén se fixe nela e lle dea unha oportunidade.  

 

Robin chegou ao Refuxio no 2015 sendo un cachorriño de poucos meses (tras ser rescatado do motor dun coche en Santiago de Compostela), e actualmente é o gato que máis tempo leva con nós. Segue sendo un gato bastante tímido, pero agardamos que  a pesar diso a súa sorte cambie e atope un fogar. Está acostumado a convivir con máis gatos.